خلیل اسلم قریشی

یوم پیدائش 13 جولائی 1959

مخالف ہوں ترا لیکن ذلالت کر نہیں سکتا

محبت کر تو سکتا ہوں عداوت کر نہیں سکتا 

تجھے کیا فرق پڑتا ہے برا مانوں بھلا مانوں

جو چاہا بک دیا تو نے وضاحت کر نہیں سکتا 

زباں انسان کی اسکا ہمیشہ ظرف بتلاتی

کسی کے میں رویہ کی ملامت کر نہیں سکتا 

سبب کچھ بھی ہو لیکن ترےچہرے پےجو دہشت ہے

بتا دوں پھر کبھی اتنی جرائت کر نہیں سکتا 

میں شاعر ہوں نیا لیکن مرا رشتہ ہے کمتر سے

کسی حالت میں دھرتی سے بغاوت کر نہیں سکتا 

مرے ہم دم کسی کا بھی برا یہ سوچنا کیسا 

بھلا سا آدمی اسلم حماقت کر نہیں سکتا

خلیل اسلم قریشی