جب مسجد نبویﷺ کے مینار نظر آئے
اللّٰه کی رحت کے آثار نظر آئے
منظر ہو بیاں کیسے، الفاظ نہیں ملتے
جس وقت محمدﷺ کا دربار نظر آئے
بس یاد رہا اتنا سینے سے لگی جالی
پھر یاد نہیں کیا کیا انوار نظر آئے
دکھ درد کے ماروں کو غم یاد نہیں رہتے
جب سامنے آنکھوں کے غم خوار نظر آئے
مکے کی فضاوں میں، طیبہ کی ہواوں میں
ہم نے تو جدھر دیکھا سرکارﷺ نظر آئے
چھوڑ آیا ظہورؔی میں دل و جان مدینے میں
اب جینا یہاں مجھ کو دشوار نظر آئے
محمد علی ظہوری
No comments:
Post a Comment