رسولِ پاکؐ کے در پر جو سر جھکاتے ہیں
خدا کی ذات کا بس وہ سراغ پاتے ہیں
وہ بے نوائوں کو دیتے ہیں عزت و تکریم
حقیر لوگوں کو وہ معتبر بناتے ہیں
زمانہ چلتا ہے پھر اُن کے آسرے پہ تمام
مِرے رسولؐ کو جو آسرا بناتے ہیں
رہِ حبیبِ خدا سے جو ہٹ کے چلتے ہیں
وہ ہر مقام پہ آخر فریب کھاتے ہیں
ہمارے ساتھ پرندے بھی باغِ طیبہ کے
تمھاری نعت بہ صد شوق گنگناتے ہیں
اُنھی کو مِلتا ہے قربِ خدا ندیمؔ فقط
جو اپنا ملجیٰ و ماویٰ اُنھیںؐ بناتے ہیں
ریاض ندیمؔ نیازی
No comments:
Post a Comment