طحہ صدیقی

یوم پیدائش 03 اکتوبر 1970

ان سے پوچھو نہ بے رخی کیا ہے

دیکھو اخلاص میں کمی کیا ہے

جب منور ہو نور سے یہ دل

"چاند تاروں کی روشنی کیا ہے"

 بھید کھلتے ہیں موت کے جن پر

 ان کی نظروں میں زندگی کیا ہے

 

آشنا جو نہ ہو تلاطم سے

 پوچھو لہروں سے وہ ندی کیا ہے

 

  

جس میں ہوتی نہ حاضری دل کی

 تم بتاؤ وہ بندگی کیا ہے

 

رہ جو بھٹکائے ساتھ میں چل کر

ایسے رہبر کی رہبری کیا ہے

جب تعلق نہیں کوئی ہم سے

بات بے بات برہمی کیا ہے

جو نہ مشکل میں ساتھ ہو طحہ

وہ ہی بتلائے دوستی کیا ہے

طحہ صدیقی