ناطق لکھنوی

یوم وفات 09 اکتوبر 1950

اے شمع تجھ پہ رات یہ بھاری ہے جس طرح 

میں نے تمام عمر گزاری ہے اس طرح 

دل کے سوا کوئی نہ تھا سرمایہ اشک کا 

حیراں ہوں کام آنکھوں کا جاری ہے کس طرح 

عنصر ہے خیر و شر کا ہر اک شے میں یوں نہاں 

ہر شمع بزم نوری و ناری ہے جس طرح 

بس یوں سمجھ لو مجھ کو امید سحر نہ تھی 

کیا پوچھتے ہو رات گزاری ہے کس طرح 

اس نقش مستقل پہ ہے شرمندہ آئینہ 

تصویر ان کی دل پہ اتاری ہے اس طرح 

ناطقؔ جلال میں بھی اثر اس قدر نہیں 

رعب جمال قلب پہ طاری ہے جس طرح

ناطق لکھنوی