دل کا گل عبقری گلستاں عبقری
عشقِ اول کا ہر اک ستارہ ملا
عصرِحاضر کی ہے کہکشاں عبقری
عقل گرچہ مشیرِخصوصی ہوئی
عشق پھر بھی ہوا مہرباں عبقری
ان کی آواز یوں بن گئی زندگی
لہجہ ، الفاظ ، حسنِ بیاں عبقری
حسنِ کردار وجہِ فضیلت رہے
حسنِ سيرت کی ہے داستاں عبقری
ایسا ممکن نہیں میری جاں دلنشیں
حسنِ صورت رہے جاوداں عبقری
آج مہکے ہوئے ہیں در و بامِ کن
دل کے باغوں کا ہے باغباں عبقری
اپنی چادر ہے وہ محرمِ رازِ دل
سر پہ قائم رہے آسماں عبقری
ہو مبارک عزیزانِ قلب و نظر
طائرانِ چمن آشیاں عبقری
پھوٹتے ہی گئے آبلے ہجر کے
درد سارے ہوئے گلفشاں عبقری
ہو مبارک جسے مل گیا صاحبو
چاہتوں سے بھرا آشیاں عبقری
گونجتے ہی رہیں پیار کے زمزمے
تیرا عالی رہے آستاں عبقری
شائستہ کنول عالی
No comments:
Post a Comment