پھر تیری نرگسی آنکھوں کے اشارے جاگے
ٹوٹے سپنوں کے دل آویز نظارے جاگے
تہہ و بالا نظر آتی تھی شبستانِ نشاط
دل میں طوفاں تری یادوں کے سہارے جاگے
تھی شبِ وصل پذیرائی ترے جلوؤں کی
کہ چراغوں کے لیے چاند ستارے جاگے
غول تھا کرمکِ شب تاب کا رقصاں ہرسو
یا غمِ ہجر میں اشکوں کے شرارے جاگے
رات بھر زیر و زبر ہوتا رہا میرا وجود
قہر ڈھاتے ہویے جذبات کے دھارے جاگے
رونقِ انجمنِ دل ہوا خاورؔ کوئی
کتنی مدت میں نصیب آج ہمارے جاگے
خارو سمبل پوری
No comments:
Post a Comment