غزل جعفری

یوم پیدائش 14 نومبر 1960

آج اس کا مجھے اظہار تو کر لینے دو 

پیار ہے تم سے مجھے پیار تو کر لینے دو 

تم نہیں ہو تو ادھوری ہے ابھی میری حیات 

آج اس بات کا اقرار تو کر لینے دو 

اس کو شاید کبھی اپنا بھی خیال آتا ہو 

اس بہانے ہمیں سنگھار تو کر لینے دو 

عمر بھر میں نے تراشے ہیں جو پتھر کے صنم 

ان سے تم پیار کا اظہار تو کر لینے دو

اپنی ہستی کو لٹایا ہے غزلؔ جس کے لئے 

آج اس شخص کا دیدار تو کر لینے دو

غزل جعفری