مصروفِ ثنا میں ہے ثناخوانِ محمدؐ
ہے نغمہ سرا بلبل بستانِ محمدؐ
خوش رنگ گُل وغنچہ معطّر ہیں فضائیں
صد رشکِ بہاراں ہے گلستانِ محمدؐ
رضواں درِ جنت پہ ہمیں دیکھ کے بولا
آنے دو انہیں یہ ہیں غلامانِ محمدؐ
محشر میں گنہگاروں کی بن جائے گی بگڑی
مل جائے اگر سایۂ دامانِ محمدؐ
معراجِ نبی عرش کی عظمت کا سبب ہے
یوں کہیے یہ ہے عرش پہ احسانِ محمدؐ
رضوی یہ تقاضا ہے غلامی کا نبیؐ کی
جو کچھ بھی لکھو، لکھو بہ عنوانِ محمدؐ
خالد رضوی امروہوی
No comments:
Post a Comment