گیا تھا پھسل پاؤں راہ عمل میں
گرا تو لگی چوٹ کس کر بغل میں
مری رو سیاہی تو پھیلی ہے ہرسو
سمٹ آئی مسکان اس کی کنول میں
مرے حوصلوں کا جواں اسپ تازی
بندھا ہے ترے ظلم کے اصطبل میں
مری زیست کے سارے بے نور ایام
کٹے ہیں مصائب کے دشت و جبل میں
نہ پوچھو کہاں آکے اٹکی ہے ہستی
گزرتی ہے عمر انتظار اجل میں
جو سمجھو اک اک شعر سونے کے سکے
تومیرا بھی لو نام اہل دول میں
کرشن اقبال
No comments:
Post a Comment