اطہر گنوری

یوم پیدائش 01 جنوری 1959

ہوا کا رخ بدلنا چاہتا ہے

یہ دل طوفاں میں ڈھلنا چاہتا ہے

نگاہیں ان سے محوِ گفتگو ہیں

اک افسانہ مچلنا چاہتا ہے

کشش کیسی چراغوں میں نہاں ہے

ہر اک پر وانہ چلنا چاہتا ہے

کسی کے غم کی دل کو جستجو ہے

یہ پتھر بھی پگھلنا چاہتا ہے

زمیں آنکھووں کی پُرنم ہورہی ہے

کوئی چشمہ ابلنا چاہتا ہے

یہ دل ناداں نہیں تو اور کیا ہے

محبت میں سنبھلنا چاہتا ہے

غزل کہتے ہوئے اطہر کا دل بھی

نئی راہوں پہ چلنا چاہتا ہے

اطہر گنوری