پرانے خول سے نکلے رخِ نَو تک چلے آئے
کھلے در آگہی کے ہم قلمرو تک چلے آئے
ضیائے رحمتِ یزداں جہاں انکو بلاتی تھی
اشارہ دیکھتے موسیَ اسی لَو تک چلے آئے
فراتِ جاں ابلتا ہے غم و آلام کی صورت
سرشکِ خوں حدِ احساس کی رَو تک چلے آئے
رہِ دشوار میں ہونگی بڑی آسانیاں پیدا
مکیں جب ظلمتِ شب کے کسی ضَو تک چلے آئے
غزل جوبن پہ آٸی تو ترے اکرام سے مولا
تخیل خود بخود میری تگ و دو تک چلے آئے
عامر ریاض
No comments:
Post a Comment