امتیاز احمد دانش

یوم پیدائش 10 جنوری 1963

اے نظاروں مجھے کچھ غم کے سوا یاد نہیں

کب مرے شہر سے گزری تھی صبا یاد نہیں

یوں فلک پر تو ستارے تھے درخشاں لیکن

راہ ظلمات میں کب ابھری ضیا یاد نہیں

تنکے کی طرح بکھر ہی گیا تھا میرا وجود

کن گناہوں کی ملی مجھ کو سزا یاد نہیں

بے خودی میں بھلا کچھ ہوش کہاں تھا خود کو

کس طرح اپنا یہ سرمایہ لٹا یاد نہیں

تیری حساس مزاجی پہ ہنسی آتی ہے 

ایک قصہ بھی تجھے درد بھرا یاد نہیں

وقت کی بھیڑ میں ہم لوگ بھی کتنے گم ہیں

کون زندہ ہے ابھی کون مرا یاد نہیں

ہم نے ہر دور میں موسم کا اثر دیکھا ہے 

اس قدر ملک کی بگڑی تھی فضا یاد نہیں

کتنی غمناک تھی وہ شام جدائی دانش

کس طرح وقت کا سورج یہ ڈھلا یاد نہی

امتیاز احمد دانش