نگار سلطانہ

یوم پیدائش 02 فروری 1956

سب سے شکوہ بھی ہمارا وہ کیا کرتے تھے

حق میں جن کے سدا ہم روز دعا کرتے تھے

تیری فرقت میں بہت درد سہا کرتے تھے

روز مرتے تھے صنم روز جیا کرتے تھے

جن کو ماں باپ کی خدمت میں سکوں ملتا تھا

ایسے بچّے بھی زمانے میں ھوا کرتے تھے

اب تو اپنوں کو بھی ملنے کی کہاں ہے فرصت

پہلے وہ جان کے فرصت سے ملا کرتے تھے

اب تو پہلے سے مراسم نہیں ہیں اپنے بھی

یاد آتا ھے کبھی عشق کیا کرتے تھے

آج تو دیکھ کے کترا کے گزر جاتا ہے

ہم مکیں ہیں جو ترے دل میں بسا کرتے تھے

ہم وفا دار نگار آج بھی اس شخص کے ہیں

اب بھی کرتے تھے وفا پہلے کیا کرتے تھے

نگار سلطانہ