برتر مدراسی

یوم پیدائش 10 اپریل 1924

اس محبت میں کچھ مزا بھی نہیں 

جس میں رنجش نہیں بلا بھی نہیں 

چل دئے کیا جہاں سے اہل وفا 

آج ان کا کہیں پتا بھی نہیں 

ایسا انسان بھی غنیمت ہے 

جو بھلا بھی نہیں برا بھی نہیں 

مجھ سے مل کر وہ چل دئے چپ چاپ 

کچھ کہا بھی نہیں سنا بھی نہیں 

اے گلو مسکرائے جاتے ہو 

تم کو خوف خزاں ذرا بھی نہیں 

جس نے دنیا میں دوڑ دھوپ نہ کی 

اس کو دنیا سے کچھ ملا بھی نہیں 

اپنی اپنی لگی ہے سب کو یہاں

ایک کو ایک پوچھتا بھی نہیں

برتر مدراسی