مظہر قریشی

 یوم پیدائش 22 جنوری 1958

ہم سے نظریں جو ملاؤ تو غزل ہو جائے

اپنی پلکوں کو اٹھاؤ تو غزل ہو جائے

 سوئے احساس جگاؤ تو غزل ہو جائے

  آگ پانی میں لگاؤ تو غزل ہو جائے

میرے اشعار کو میٹھا سا ترنم دے کر 

اپنے ہونٹوں پہ سجاؤ تو غزل ہو جائے

اب تلک ہجر کی راتوں نے جلایا ہے مجھے 

وصل کی شمعیں جلاؤ تو غزل ہو جائے

شبِ تاباں کو ذرا اور نکھر جانے دو 

حوصلے اور بڑھاؤ تو غزل ہو جائے

حرف سے لفظ بنو ،لفظ سے اشعار بنو 

یوں تخیل کو سجاؤ تو غزل ہو جائے

مظہر قریشی