آفتاب قابل

 لذتِ غم نہ کم کرے کوئی

ہے تمنا ستم کرے کوئی

شوق غم بھی نہ کم کرے کوئی

سر ادب سے جو خم کرے کوئی

دن میں جلوؤں کی بھیڑ ہوتی ہے

رات میں آنکھ نم کرے کوئی

وہ نہیں ہے تو کیا کرے جی کر

اب دوا اور نہ دم کرے کوئی

دیکھیں کیسے نہ روئے گی دنیا

میرا قصہ رقم کرے کوئی

ہے مسیحائی کا اگر دعویٰ

میری تکلیف کم کرے کوئی

زندگی کا جب اعتبار نہیں

کیوں غرورِ حشم کرے کوئی

جتنا ہو پیار بانٹئے قابل

کس لئے بیش و کم کرے کوئی

آفتاب قابل