یوم پیدائش 30 جون
اپنے آئینہء احساس میں دیکھو مجھ کو
مجھ کو محسوس کرو مجھ سے نہ پوچھو مجھ کو
اک تبسم کے عوض جان بھی حاضر ہے مگر
اتنا ارزاں بھی نہیں ہوں کہ خریدو مجھ کو
رک گئے کیوں حد ادراک سے آگے جا کر
منظر دیدہء حیرت سے پکارو مجھ کو
قید گل سے بھی نکل جاوں گا خوشبو کی طرح
تم نہ بھنورے کی طرح پھول میں ڈھونڈو مجھ کو
میں بھی بکھرا ہوں کسی زلف پریشاں کی طرح
اپنے ہاتھوں سے کوئ آ کے سنوارو مجھ کو
ظہور احمد
No comments:
Post a Comment