عمران انجم

 یوم پیدائش 01 جولائی 1970

کوئی بھی اب اسے تبدیل کر نہیں سکتا

بگڑ گیا ہے وہ اتنا سدھر نہیں سکتا

ہمارے زعم سے واقف ہے پانیوں کا مزاج

ہمارے سامنے دریا بپھر نہیں سکتا

ہمارا قتل بغاوت کو تقویت دے گا

ہمارا نظریہ مر کے بھی مر نہیں سکتا

مجھے تو چھو کے بتا ہوں کہ یا نہیں ہوں میں

میں اپنے ہونے کی تصدیق کر نہیں سکتا

 اس آئینے کا بدن کرچیوں میں دفنا دو

تمہیں جو دیکھ کے خود ہی نکھر نہیں سکتا

جنوں کو میں نے دکھاٸی ہے اعتدال کی راہ

سو چاہ کے بھی وہ حد سے گزر نہیں سکتا

مثال دی تری اس کو وہ جس کا دعوی تھا

یہ ماہتاب زمیں پر اتر نہیں سکتا

بس ایک عشق ہی صحرا میں ڈھوتا رہتا ہوں

میں کوٸی اور مشقت تو کر نہیں سکتا

ترے گلے میں جو کشکول حرص و لالچ ہے

زمیں کے چاند ستاروں سے بھر نہیں سکتا

عمران انجم