Urdu Deccan

Monday, August 9, 2021

زین احترام

 یوم پیدائش 22 اگسٹ


اٹھاتا کون ہے نخرے ہمارے

کسے فرصت سنے قصّے ہمارے


گلے ملتے اچانک رک گیا وہ

پرانے دیکھ کر کپڑے ہمارے


وہ ہلکے زندگی کے بوجھ سے تھے

کتابوں سے بھرے بستے ہمارے


نئے اس سال سوچا تھا ملیں گے

مگر آئے نہ دن اچھّے ہمارے


یہ بہتر ہے کہانی موڑ لیں ہم 

نہیں ملتے اگر رستے ہمارے


انا کی ضد کہاں تک لے گئ ہے

ذرا سی دیر کے جھگڑے ہمارے


ٹھہر جا زین کب سے ہے سفر میں

صدا دینے لگے جوتے ہمارے


زین احترام


No comments:

Post a Comment

محمد دین تاثر

 یوم پیدائش 28 فروری 1902 غیر کے خط میں مجھے ان کے پیام آتے ہیں کوئی مانے کہ نہ مانے مرے نام آتے ہیں عافیت کوش مسافر جنھیں منزل سمجھیں عشق...