مرزا فیصل

 یوم پیدائش 08 اگست

جس نے کی اس سے بھی نہ نفرت کی

کیا کہیں بات ہے طبیعت کی

ہم فسانے میں بھی نہیں ہوں گے

جب سمجھ آئے گی حقیقت کی

میرا اس شہر میں نہیں ہے کوئی

میں نے دیوار سے شکایت کی

دل پہ اک زخم کی جگہ بھی نہیں

اس نے مجھ پر بڑی عنایت کی

صرف تنہائی کاٹنے والو

کون دیتا ہے داد ہمت کی

اس کے حاصل سے شوق جاتا رہا

میں تو مشکل میں ہوں سہولت کی

قید کر لی سیاہ آنکھوں میں 

ایک لڑکی سفید رنگت کی

زندگی سے گئی نہیں فیصل

اک گھڑی آئی تھی مصیبت کی

مرزا فیصل