سیاہ رات کے بارے میں سوچتے ہی نہیں
جو حادثات کے بارے میں سوچتے ہی نہیں
مسافرانِ جنوں موت کے سمندر میں
کبھی حیات کے بارے میں سوچتے ہی نہیں
ہمارے بس میں میاں گھر تلک بنا لینا
سو کائنات کے بارے میں سوچتے ہی نہیں
محبتوں کا حسیں کھیل کھیلنے والے
وبالِ مات کے بارے میں سوچتے ہی نہیں
جہانِ غم میں وہی کامیاب ہیں آدر
جو اپنی ذات کے بارے میں سوچتے ہی نہیں
بلال آدر
No comments:
Post a Comment