ادیب دموہی

 یوم پیدائش 10 اگست 1978 

گلوں میں رنگ بھلے موسمِ بہار کا ہے

مگر یہ رنگ حقیقت میں وصلِ یار کا ہے

شکست کھا کے محبت میں غم نہیں کرنا

وہ جانثار نہیں جس کو رنج ہار کا ہے

طلب میں پھولوں کے ہاتھوں کو کر لیا زخمی

سمجھ رہے ہیں کہ یہ بھی قصور خار کا ہے 

عمل کو دیکھو نہ زر خار پیراہن دیکھو 

مدارِ حسن عمل پر ہی ذی وقار کا ہے

نہ وصلِ یار نہ دنیا کی رونقوں میں ہے وہ

جو لطف دوستو الفت میں انتظار کا ہے

بہانا کر نہیں پایا میں چاہ کر بھی ادیب

کہ حکم پینے کا مجھ کو نگاہ یار کا ہے 

ادیب دموہی