چراغ بریلوی

 یوم پیدائش 05 سپتمبر 1988

طے ہوا دن کہ کھلے شام کے بستر چلیے 

پاؤں کو حکم تھکن کا ہے کہ اب گھر چلیے 

پہلے پہلے تو کسی چیز سے ٹکراؤگے 

تب کہیں ذہن کہے گا کہ سنبھل کر چلیے 

چوٹ دیکھیں گے تو منزل پہ نہیں پہنچیں گے 

لگ گئی پاؤں کو جو لگنی تھی ٹھوکر چلیے 

ایسے کتنے ہی ملیں گے تمہیں منزل تک سو 

دیکھنا چھوڑیئے بھی میل کے پتھر چلیے 

راہ میں بھیڑ ڈراتی ہے تو گھر جاتے ہیں اور 

گھر کی تنہائی یہ کہتی ہے کہ باہر چلیے 

چراغ بریلوی