یوم پیدائش 08 نومبر 1973
شہر کے بیچ بیابان کبھی دیکھا ہے ؟
بھیڑ میں راستہ سنسان کبھی دیکھا ہے؟
دیکھ ! تصویر میں ہے کون مری بانہوں میں
تیرا ہم شکل ہے۔۔پہچان۔۔کبھی دیکھا ہے؟
جان کہہ کہہ کے مری جان تو لے لی تم نے
جان کا حال مری جان ! کبھی دیکھا ہے؟
ذکر بے کار فرشتوں کا کئے جاتے ہو
یہ بتاؤ یہاں انسان کبھی دیکھا ہے ؟
پوچھتے کیا ہو حجابات کے پیچھے کیا ہے
عکس آئینے میں انجان کبھی دیکھا ہے؟
آصف علی آصف
No comments:
Post a Comment