واحد کشمیری

 دِل ! آن بان شان یہ اردو زبان ہے

جذبوں کی ترجمان یہ اردو زبان ہے

لمحوں میں اپنے حسن کے جلوے نکھارتی

صدیوں پہ مہر بان یہ اردو زبان ہے

آداب و احترام کے نازوں سے ہے پلی

غالب کی روح و جان یہ اردو زبان ہے

اخلاص کی بلندیاں ربط و ادابھی ہے

ہر باب آسمان یہ اردو زبان ہے

حرفوں میں اسکے عطر یے لفظوں میں چاشنی

نظموں کی پاسبان یہ اردو زبان یے

تہذیب لکھنوی ہے یہ شانِ دکن بھی ہے

گلزارِ گلستان یہ اردو زبان ہے

تاثیر راگ راگنی عکسِ غزل بھی یے

قوموں پہ سائبان یہ اردو زبان ہے

لفظوں کی طرحیں ڈال کے واحد نے جو کہی

خالص وہ نکتہ دان یہ اردو زبان ہے

واحد کشمیری