ناز خیالوی

 یوم پیدائش 12 دسمبر 1947 

دل کا ہر زخم جواں ہو تو غزل ہوتی ہے 

درد نس نس میں رواں ہو تو غزل ہوتی ہے 

دل میں ہو شوق ملاقات کا طوفان بپا 

اور رستے میں چناں ہو تو غزل ہوتی ہے 

شوق حسرت کے شراروں سے جلا پاتا ہے 

جان جاں دشمن جاں ہو تو غزل ہوتی ہے 

کچھ بھی حاصل نہیں یک طرفہ محبت کا جناب 

ان کی جانب سے بھی ہاں ہو تو غزل ہوتی ہے 

شوکت فن کی قسم حسن تخیل کی قسم 

دل کے کعبے میں اذاں ہو تو غزل ہوتی ہے 

میں اگر ان کے خد و خال میں کھو جاؤں کبھی 

وہ کہیں ناز کہاں ہو تو غزل ہوتی ہے

ناز خیالوی