کیف احمد صدیقی

 یوم پیدائش 12 جنوری 1943

کیا جانے کتنے ہی رنگوں میں ڈوبی ہے 

رنگ بدلتی دنیا میں جو یک رنگی ہے 

منظر منظر ڈھلتا جاتا ہے پیلا پن 

چہرہ چہرہ سبز اداسی پھیل رہی ہے 

پیلی سانسیں بھوری آنکھیں سرخ نگاہیں 

عنابی احساس طبیعت تاریخی ہے 

دیکھ گلابی سناٹوں میں رہنے والے 

آوازوں کی خاموشی کتنی کالی ہے 

آج سفیدی بھی کالا ملبوس پہن کر 

اپنی چمکتی رنگت کا ماتم کرتی ہے 

ساری خبروں میں جیسے اک زہر بھرا ہے 

آج اخباروں کی ہر سرخی نیلی ہے 

کیفؔ کہاں تک تم خود کو بے داغ رکھو گے 

اب تو ساری دنیا کے منہ پر سیاہی ہے 

کیف احمد صدیقی