یوم پیدائش 16 جنوری 1892
عشق خود اپنے ہی نظاروں میں حیراں نکلا
اُن کے پردےمیں بھی در پردہ غمِ جان نکلا
کتناسامانِ جنوں بے سروساماں نکلا
چاک دامن نہ ہوا تھا کہ گر یباں نکلا
کس کا مشتاق تھا یارب وہ لہو کا قطرہ
جو تڑپتا ہوا نزدیکِ رگ جاں نکلا
راہِ ساحل نظر آئی نہ جہاں ظلمت میں
غیب سے ایک ستارا سرِ مژگاں نکلا
آنکھ یہ بارہا سمجھی کہ بہار آئی ہے
اشکِ رنگیں کا تبسم بھی گلستاں نکلا
اِس لطافت کی کوئی حد بھی ہے اللہ اللہ
موجِ ہر گل میں کوئی حُسن خراماں نکلا
ماسویٰ کا تو فسانہ غم ساحل میں کہاں
اپنی ہستی ہر اکِ اشک گریزاں نکلا
شکر کے معنٰی سمجھ جنت احساس نہ پوچھ
اشک خوب آنکھ سے فردوسِ بداماں نکلا
انجم و مہرومہ و شعلہ و پروانہ و دل
پی کے میخانے سے جو نکلا و رقصاں نکلا
گویا جہان آبادی
No comments:
Post a Comment