یاد رفتگاں بیاد شفیع الرحمں شفیع مرحوم
تاریخ وفات : 28 مارچ 2022
ہے شفیع الرحمں کی رحلت نہایت دلفگار
ان کے غم میں آج دنیائے ادب ہے سوگوار
ان سے تھا ہر وقت میرا اک خصوصی رابطہ
یہ خبر سن کر مری آنکھیں ہیں پیہم اشکبار
جنت الفردوس میں درجات ہوں ان کے بلند
ان پہ نازل ہو ہمیشہ رحمت پروردگار
فرط رنج و غم سے ان کے اہل خانہ ہیں نڈھال
آتے آتے آئے گا اس بیقراری کو قرار
کرتے تھے آیات قرآں کا وہ اردو ترجمہ
ان کی تاریخ ادب میں ہے جو زریں یادگار
اپنے حسن خلق سے تھے وہ دلوں پر پر حکمراں
مرجع اہل نظر ہیں ان کے ادبی شاہکار
ان کے ہیں اشعار عصری حسیت کے ترجماں
ان کی غزلوں سے عیاں ہے سرد وگرم روزگار
تھی منور ان سے پٹنہ کی ہر ادبی انجمن
ان کے ادبی ذوق کی برقی ہے جو آئینہ دار
احمد علی برقی اعظمی
#شعراء #اردو #اردوشاعری #اردوغزل #اردودکن #urdudeccan #poetrylovers #urduadab #urdu #urdupoetry #urdugazal
No comments:
Post a Comment