یوم پیدائش 08 مارچ
کسی کے خوف سے بتلاؤ کب رستہ بدلتی ہیں
گھٹائیں ہر کسی کے واسطے کھل کر برستی ہیں
ہوائیں سرحدوں کی قید سے آزاد ہوتی ہیں
یہی اِس پار چلتی ہیں یہی اُس پار چلتی ہیں
سبھی کے خون کا رنگ ایک ہے اس بات کو سمجھو
مٹا دو نفرتیں جو بھی تمھارے دل میں پلتی ہیں
خوشی میں سب لبوں پر ایک سی مسکان ہوتی ہے
دکھوں کے دور میں آنکھیں سبھی اشکوں سے بھرتی ہیں
مرے مولا کبھی ان کو قبولیت عطا کردے
دعائیں جو مرے ہونٹوں پہ ہر لمحہ مچلتی ہیں
نسیم شاہانہ سیمیں
No comments:
Post a Comment