مدثر حسین

 یوم پیدائش 07 اپریل 1967

تیرا مِزاج یوں تو بڑا چربراک ہے

پھر آج کس لئے تو صنم خشمناک ہے

تو حسن اور ادا کا حسیں اِشتباک ہے

تیری حسیں اداؤں پہ دنیا ہلاک ہے

لشکر ہے تیری یادوں کا یلغار پر مُصر

تنہائیوں کی رات بڑی ہولناک ہے

آئی ہے مدتوں میں خوشی زیست میں مگر

اس میں بھی غالباً غموں کا اِشتراک ہے

کیوں داستاں ہماری ہو سننے کو تم بضِد

ماضی ہماری زندگی کا دردناک ہے

بھرتا نہیں ہے پیٹ تکبّر کا دوستو

رشتے , تعلّقات ہی جس کی خُوراک ہے

ساگر اگر ہے آنسو کا قطرہ تو اے 'حسین'

"صحرا ہماری آنکھ میں یک مشت خاک ہے"

مدثر حسین