دیوانوں میں نام ہوا پردیسی کا
چرچا جگ میں عام ہوا پردیسی کا
شاید دل کی بات زبان پر آئی ہے
شعر غزل انعام ہوا پردیسی کا
گھر والوں کو آئی جب خط کی خوشبو
عام وہیں پیغام ہوا پردیسی کا
آخر کو زندہ رہنے کی خواہش میں
جینا بھی الزام ہوا پردیسی کا
ان آنکھوں کی دل کو پھر سے یاد آئی
خالی جب بھی جام ہوا پردیسی کا
بیگانوں کی محفل میں آ کر ساجدؔ
چال چلن بدنام ہوا پردیسی کا
اسحاق ساجد
No comments:
Post a Comment