ناظر خیامی

یوم وفات 08 جولائی 1979

مڈبھیڑ میری ہو گئی کل اک فقیر سے 

وہ بھیک مانگتا تھا ہر اک راہگیر سے 

میں نے کہا کہ بھائی ہے کیسا تمہارا حال 

کہنے لگا کہ ہے کرم رب ذو الجلال 

میں نے کہا کہ ریس بھی کھیلی کبھی کہیں 

کہنے لگا کہ ریس تو کھیلی کبھی نہیں 

میں نے کہا کہ تاشوں سے کچھ مشغلہ رہا 

کہنے لگا کہ میں نہیں کھیلا کبھی جوہ 

میں نے کہا کہ گانجا بھری سگریٹیں بھی پیں 

بولا بڑے وقار سے ہرگز کبھی نہیں 

میں کہا شراب کبھی پی ہے یا نہیں 

کہنے لگا شراب بری شے ہے بالیقیں 

میں نے کہا کہ پھر مرے گھر تک چلے چلو 

میں دس رپئے کا نوٹ ابھی دوں گا آؤ تو 

کہنے لگا یہ گھر پہ ضروری ہے کیا کرم 

دینا اگر ہے تجھ کو تو دے دے یہیں رقم 

میں نے کہا نہ عذر کرو میری بات سے 

تم کو ملاؤں گا میں شریک حیات سے 

تم سے ملا کے اپنی شریک حیات کو 

جھگڑے سے تمام ختم کروں گا اٹھو چلو 

ہے صاف صاف بات دغا ہے نہ اس میں کھوٹ 

اتنی سی بات کہہ کے میں دے دوں گا دس کا نوٹ 

بیوی کی بات کا مجھے دینا ہے اک جواب 

وہ بھیک مانگتا ہے جو پیتا نہیں شراب

ناظر خیامی