جوہر غازی پوری

یوم وفات 14 جولائی 1983

رک جا تو ذرا بہرِ خدا عمرِ رواں اور

کچھ اور تو رہنے دے ابھی مجھ کو جواں اور

ہم ہجر سے بیزار ، انھیں وصل سے انکار

کیفیتِ دل کچھ ہے یہاں اور وہاں اور

کب دل کی لگی بجھتی ہے اشکوں کی جھڑی سے

جب آگ بجھاتے ہیں تو اٹھتا ہے دھواں اور

گلشن سے الگ ڈر کے بنایا تھا نشیمن

آ آ کے یہیں گرنے لگی برقِ تپاں اور

انگڑائی جو لیتا ہے کبھی بے خبری میں

اس شوخ کا ہوتا ہے عیاں حسنِ نہاں اور

محفل میں پڑھی جاتی ہیں غزلیں بہت اچھی

جوہرؔ کی غزل پڑھیے تو بندھتا ہے سماں اور

جوہر غازی پوری