بلراج بخشی

یوم پیدائش 10 دسمبر 1949

کہیں بھی زندگی اپنی گزار سکتا تھا 

وہ چاہتا تو میں دانستہ ہار سکتا تھا 

زمین پاؤں سے میرے لپٹ گئی ورنہ 

میں آسمان سے تارے اتار سکتا تھا 

جلا رہی ہیں جسے تیز دھوپ کی نظریں 

وہ ابر باغ کی قسمت سنوار سکتا تھا 

عجیب معجزہ کاری تھی اس کی باتوں میں 

کہ وہ یقیں کے جزیرے ابھار سکتا تھا

مرے مکان میں دیوار ہے نہ دروازہ 

مجھے تو کوئی بھی گھر سے پکار سکتا تھا 

پر اطمینان تھیں اس کی رفاقتیں بلراجؔ 

وہ آئینے میں مجھے بھی اتار سکتا تھا

بلراج بخشی