ثناء اعوان

یوم پیدائش 12 دسمبر 1995

نہیں چلتا مرے نقشِ قدم پر وہ

مرے جیسا سبھی کو جو بتاتا ہے

نہیں ہے روشنی اس چاند کی اپنی

یہ سورج سے اُدھاری مانگ لاتا ہے

گلہ کوئی شکایت بھی نہیں تجھ سے

تُو ملتے وقت کیوں نظریں جُھکاتا ہے

زمیں دیکھوں یا دیکھوں آسماں کو میں

نظر ان میں ترا ہی عکس آتا ہے

یقیں کر تُو تجھے جو جو بتاتا ہوں

وہ سب باتیں خدا مجھ کو بتاتا ہے

کسی صورت مداوا تو نہیں ممکن

ثناء پھر کس لیے آنسو بہاتا ہے

ثناء اعوان