آرزو سہارنپوری

یوم وفات 25 دسمبر 1983

کس قیامت کا ہے بازار ترے کوچے میں

بکنے آتے ہیں خریدار ترے کوچے میں

تو وہ عیسیٰ ہے کہ اے نبض شناس کونین

ابن مریم بھی ہے بیمار ترے کوچے میں

اذن دیدار تو ہے عام مگر کیا کہیے

چشم بینا بھی ہے بے کار ترے کوچے میں

جس نے دیکھا ہو نظر بھر کے ترا حسن تمام

کوئی ایسا بھی ہے اے یار ترے کوچے میں

آرزوؔ سا کبھی دیکھا ہے کوئی کافر عشق

یوں تو ہیں سینکڑوں دیں دار ترے کوچے میں

آرزو سہارنپوری