حبیب اشعر دہلوی

یوم پیدائش 01 جنوری 1919

موج انفاس بھی اک تیغ رواں ہو جیسے 

زندگی کار گہ شیشہ گراں ہو جیسے 

دل پہ یوں عکس فگن ہے کوئی بھولی ہوئی یاد 

سر کہسار دھندلکے کا سماں ہو جیسے 

حاصل عمر وفا ہے بس اک احساس یقیں 

وہ بھی پروردۂ‌ آغوش گماں ہو جیسے 

مجھ سے وہ آنکھ چراتا ہے تو یوں لگتا ہے 

ساری دنیا مری جانب نگراں ہو جیسے 

آج اشعرؔ سے سر راہ ملاقات ہوئی 

کوئی درماندۂ‌ دل شعلہ بجاں ہو جیسے

حبیب اشعر دہلوی