بسنت لکھنوی

یوم پیدائش 23 جنوری 1932

یہ اور بات اسے لطف زندگی نہ ملا

اسیر اپنی انا میں وہ آدمی نہ ملا

کبھی ملا بھی تو بس اپنی بات کی اس نے

وہ بے غرض تو کسی شخص سے کبھی نہ ملا

تری حیات ہے نغمہ مری حیات افکار

مری حیات سے تو اپنی زندگی نہ ملا

کجا یہ دیں کے اجالےکجا یہ کرب جمود

سحر کے نور میں تو شب کی تیرگی نہ ملا

بہت تلاش کیا زندگی نہ ہاتھ آئی

جہاں میں ہم کو کہیں کستِ دايمی نہ ملا

ہمارا ہوتا جو دمساز، ہمنوا ، ہمدم

ہمارے شہر میں ایسا ہمیں کوئی نہ ملا

ملے تو شیخ و برہمن، ولی مجاہد سب

بسنت راہ ِ وفا پر کوئی کبھی نہ ملا

بسنت لکھنوی