مجھے وہ چھوڑ کر جب سے گیا ہے انتہا ہے
رگ و پے میں فضائے کربلا ہے انتہا ہے
غم و آلام ہیں یا حسرتیں ہیں زندگی میں
تمہارے بعد باقی کیا بچا ہے انتہا ہے
فقط تم ہی نہیں ناراض مجھ سے جان جاناں
مرے اندر کا انساں تک خفا ہے انتہا ہے
خموشی توڑ دے اے خالق ارض و سما اب
تری مخلوق بن بیٹھی خدا ہے انتہا ہے
غزل جو تم پہ طاہرؔ نے لکھی تھی جان طاہرؔ
وہی تو زینت بام بقا ہے انتہا ہے
طاہر عدیم
No comments:
Post a Comment