یوم پیدائش 13 سپتمبر 1923
نیم شب آتش فریاد اسیراں روشن
دھوپ سی پھیل رہی ہے سر دیوار چمن
یا ترے قرب کی یہ ساعت افسردہ ہے
یا کبھی تیرے تصور سے سلگتا تھا بدن
دل جلے روئے ہیں شاید کہیں پھر آخر شب
بھیگا بھیگا ہے نسیم سحری کا دامن
آج تک یاد ہے وہ شام جدائی کا سماں
تیری آواز کی لرزش ترے لہجے کی تھکن
دل کے زخموں سے مہک آتی ہے پھولوں کی عظیمؔ
سینۂ چاک ہے یا رخنۂ دیوار چمن
عظیم مرتضی
No comments:
Post a Comment