فیض الامین فیض

 یوم پیدائش 18 جنوری 

قدرت کا سرسبز بچھونا اچھا لگتا ہے 

کھلی فضا میں گھاس پہ سونا اچھا لگتا ہے 

شام ڈھلے جب شاخ پہ چڑیاں نغمے گاتی ہیں 

مجھ کو تیرے ساتھ میں ہونا اچھا لگتا ہے 

ہر ایک چیز جو اپنی جگہ پر سجی سجائی ہو 

خود ہی گھر کا کونا کونا اچھا لگتا ہے 

تم کیا جانو رہ رہ کیسے پاتے ہیں منزل 

تم کو تو بس خواب سلونا اچھا لگتا ہے 

میرے گاؤں کے لوگ بھی کتنے بھولے بھالے ہیں 

آج بھی ان کو جادو ٹونا اچھا لگتا ہے

فیض الامین فیض