سید مبارک شاہ

 یوم پیدائش 01 جنوری 1961

وہ جو مبتلا ہے محبتوں کے عذاب میں

کوئی پھوٹتا ہوا آبلہ ہے حباب میں

مرا عشق شرط وصال سے رہے متصل

نہیں دیکھنا مجھے خواب شب شب خواب میں

جو کشید کرنے کا حوصلہ ہے تو کیجئے

کہ ہزار طرح کی راحتیں ہیں عذاب میں

یہ طواف کعبہ یہ بوسہ سنگ سیاہ کا

یہ تلاش اب بھی ہے پتھروں کے حجاب میں

بڑی لذتیں ہیں گناہ میں جو نہ کیجئے

جو نہ پیجئے تو عجب نشہ ہے شراب میں

سبھی عذر ہائے گناہ جب ہوئے مسترد

تو دلیل کیسی دفاع کار ثواب میں

سید مبارک شاہ