یوم پیدائش 15 جنوری 1975
تری رہبری میں اکثر لُٹے کارواں دلوں کے
ارے عشق باز آ جا نہ لے امتحاں دلوں کے
کوئی پوچھتا تو کہتے کہ ہمارا روگ کیا ہے
کہاں کھو گۓ بتاٶ تھے جو رازداں دلوں کے
در و بام پر اُگی ہے کوئی سبز سبز سی شے
نظر آ رہے ہیں مجھ کو یہاں کچھ نشاں دلوں کے
سوئے یار پاٶں اُٹھیں تو ہزار صدمے جاگیں
نکل آٸیں ہر طرف سے کٸ مہرباں دلوں کے
جنھیں زندگی کے بارے ذرا سوجھ بوجھ ٹھہری
وہی رہروانِ دل ہیں وہی قدر داں دلوں کے
ہو مباہلہ کی صورت کہ مناظرہ کا منظر
سدا سرخ رو ہوے ہیں تھے جو ترجماں دلوں کے
ہمیں بس جنوں کی دنیا ہی بھلی لگی ہے آصف
سو ہیں درد کے پجاری تو قصیدہ خواں دلوں کے
آصف جاوید
No comments:
Post a Comment