صبا بلگرامی

یوم پیدائش 07 دسمبر 1955

تجربہ ہے مرحلہ ہے حادثہ ہے زندگی 

زندگی منزل نہیں ہے راستہ ہے زندگی 

سامنے ہے اک حقیقت اک ارادہ اک ادا 

چہرہ ہی چہرہ نہیں ہے آئنہ ہے زندگی 

کون ہے ہمدرد کس کا یہ بتانا ہے کٹھن 

ہر قدم پہ ایک تازہ مرحلہ ہے زندگی 

کوئی حسرت ہے نہ ارماں ہے نہ ہے کوئی امید 

لگ رہا ہے درد کا ہی تبصرہ ہے زندگی 

موت تو آئے گی ایک دن بن کے پیغام سکوں 

بس ابھی تو مشکلوں کا سامنا ہے زندگی

صبا بلگرامی