تسنیم صنم

 تاریخ پیدائش:20جنوری 1964

چاند کو دیکھ کے جب درد سوا ہوتا ہے

قطرۂ اشک بھی اک حرفِ دعا ہوتا ہے

صبح دم وہ بھی چلا آتا ہے اٹھلاتا ہوا

جس پہ احسان ترا بادِ صبا ہوتا ہے

دل دھڑکتا ہوا بخشا ہے جگر زخم بھرا

شکریہ ان کا کہاں مجھ سے ادا ہوتا ہے

جس پہ گزری ہو وہی جانتا ہے اس کا مزہ

ہجر کی زیست کا ہر لمحہ سزا ہوتا ہے

چاندنی رات ہو ، گلزار ہو ، تنہائی ہو

پھر غزل چھیڑ کے دیکھے کوئی کیا ہوتا ہے

پھر منڈیروں سے اتر آتے ہیں پنچھی سارے

جب صنم دل کا ہر اک زخم ہرا ہوتا ہے

تسنیم صنم