ہارون علی ماجد عادل آبادی

 مانا نہیں کسی کا مقدر پہ اختیار

اعمال اور دعاؤں سے تقدیر کو سنوار

ایذا رساں ملیں گے ہر اک موڑ پر مگر

ملتا نہیں ہے کوئی بھی غمخوار وغمگسار

کوٸی دوا بتا یا کوئی حل مرے طبیب

بڑھتا ہی جارہا ہے مرا نفسی خلفشار

جب تک کہ زندگی میں تغیر نہ لاؤ گے

ہونگے نہیں اے دوستو حالات ساز گار

دھوکہ ضرور کھاتے ہیں اک روز دوستو

دورنگی دنیا پر وہ جو کرتے ہیں اعتبار

ہوں پاک ذہن ودل ترے بغض وعناد سے

ہو ذکر مدتوں ترا یوں زندگی گزار

سادہ مزاج ہوتے ہیں ماجد جو واقعی

وہ لوگ ہی جہان میں ہوتے ہیں ذی وقار

ہارون علی 

ماجدؔ عادل آبادی

ہوش نعمانی

 یوم وفات 22 اگست 2014

ایسا ہنر کہ سارا زمانہ مثال دے

یارب جسے زوال نہ ہو وہ کمال دے

عیبوں کو اپنے دن کے اجالے میں کر شمار

ہوتے ہی شام نیکیاں دریا میں ڈال دے

اے میری پیاس اس کا تو امکان ہی نہیں

دریا خود اپنے آپ کو مجھ پر اچھال دے

یہ بھی نہیں کہ اینٹ کا پتھر سے دے جواب

یہ بھی نہیں کہ ظلم سہے اور ٹال دے

اےمیری پیاس اس کا تو امکان ہی نہیں

دریا خود اپنے آپ کو مجھ پر اچھال دے

ساری امیدیں ٹوٹ چکی ہیں جواب کی

میرا سوال ہی مری جھولی میں ڈال دے

اے ہوش احتیاط رہے ایسے شخص سے

جو اپنی گفتگو سے کسی کو ملال دے

ہوش نعمانی

زین احترام

 یوم پیدائش 22 اگست

دوستوں کا یہ بہانہ عام ہے

آ نہیں سکتے ضروری کام ہے

دل دکھانے میں قریبی تھے مرے

دشمنی تو نام سے بدنام ہے

کچھ نہیں تو یومِ پیدائش سہی

سال کا اک دن ہمارے نام ہے

کیا کہا مجھ میں وفا شامل نہیں

یہ سراسر آپ کا الزام ہے

اپنے اپنے راستے سب چل دئیے

بس کہانی کا یہی انجام ہے

یار کوئی ڈھونڈ کر لاۓ مجھے

زین ہو کر بھی کہیں گمنام ہے

زین احترام

ظہور نظر

 یوم پیدائش 22 اگست 1923

رکھا نہیں غربت نے کسی اک کا بھرم بھی

مے خانہ بھی ویراں ہے کلیسا بھی حرم بھی 

لوٹا ہے زمانے نے مرا بیش بھی کم بھی

چھینا تھا تجھے چھین لیا ہے ترا غم بھی

بے آب ہوا اب تو مرا دیدۂ نم بھی

اے گردش عالم تو کسی موڑ پہ تھم بھی

سن اے بت جاندار بت سیمبر اے سن

توڑے نہ گئے ہم سے تو پتھر کے صنم بھی

میں وصل کی بھی کر نہ سکا شدت غم کم

آیا نہ کسی کام ترے ہجر کا سم بھی

دیوار سکوں بیٹھ گئی شدت نم سے

برسا ہے مرے گھر پہ اگر ابر کرم بھی

تنہائی نہ پوچھ اپنی کہ ساتھ اہل جنوں کے

چلتے ہیں فقط چند قدم راہ کے خم بھی

صحرائے غم جاں میں بگولوں سے بچا کون

مٹ جائیں گے اے دوست ترے نقش قدم بھی

سنتے ہیں چمکتا ہے وہ چاند اب بھی سر بام

حسرت ہے کہ بس ایک نظر دیکھ لیں ہم بھی

ظہور نظر

ادا جعفری

 یوم پیدائش 22 اگست 1790

لائی حیات آئے قضا لے چلی چلے

اپنی خوشی نہ آئے نہ اپنی خوشی چلے

ہو عمر خضر بھی تو ہو معلوم وقت مرگ

ہم کیا رہے یہاں ابھی آئے ابھی چلے

ہم سے بھی اس بساط پہ کم ہوں گے بد قمار 

جو چال ہم چلے سو نہایت بری چلے 

بہتر تو ہے یہی کہ نہ دنیا سے دل لگے

پر کیا کریں جو کام نہ بے دل لگی چلے

لیلیٰ کا ناقہ دشت میں تاثیر عشق سے

سن کر فغان قیس بجائے حدی چلے

نازاں نہ ہو خرد پہ جو ہونا ہے ہو وہی

دانش تری نہ کچھ مری دانش وری چلے

دنیا نے کس کا راہ فنا میں دیا ہے ساتھ

تم بھی چلے چلو یوں ہی جب تک چلی چلے

جاتے ہوائے شوق میں ہیں اس چمن سے ذوقؔ

اپنی بلا سے باد صبا اب کبھی چلے

شیخ ابراہیم ذوق

شیخ ابراہیم ذوق

 یوم پیدائش 22 اگست 1790

لائی حیات آئے قضا لے چلی چلے

اپنی خوشی نہ آئے نہ اپنی خوشی چلے

ہو عمر خضر بھی تو ہو معلوم وقت مرگ

ہم کیا رہے یہاں ابھی آئے ابھی چلے

ہم سے بھی اس بساط پہ کم ہوں گے بد قمار 

جو چال ہم چلے سو نہایت بری چلے 

بہتر تو ہے یہی کہ نہ دنیا سے دل لگے

پر کیا کریں جو کام نہ بے دل لگی چلے

لیلیٰ کا ناقہ دشت میں تاثیر عشق سے

سن کر فغان قیس بجائے حدی چلے

نازاں نہ ہو خرد پہ جو ہونا ہے ہو وہی

دانش تری نہ کچھ مری دانش وری چلے

دنیا نے کس کا راہ فنا میں دیا ہے ساتھ

تم بھی چلے چلو یوں ہی جب تک چلی چلے

جاتے ہوائے شوق میں ہیں اس چمن سے ذوقؔ

اپنی بلا سے باد صبا اب کبھی چلے

شیخ ابراہیم ذوق

میر محبوب علی خان آصف جاہ ششم

 یوم پیدائش 17 اگست 1866

لاؤ تو قتل نامہ مرا میں بھی دیکھ لوں 

کس کس کی مہر ہے سر محضر لگی ہوئی 

میر محبوب علی خان آصف جاہ ششم

 (فیض احمد فیض نے اس شعر کی تضمین میں غزل کہہ دی ہے در اصل یہ شعر میر محبوب علی خان آصف جاہ ششم کا ہے)

زبیر فاروق

 یوم پیدائش 19 اگست 1952

واقعہ کوئی تو ہو جاتا سنبھلنے کے لیے

راستہ مجھ کو بھی ملتا کوئی چلنے کے لیے 

کیوں نہ سوغات سمجھ کر میں اسے کرتا قبول

بھیجتے زہر وہ مجھ کو جو نگلنے کے لیے

اتنی سردی ہے کہ میں بانہوں کی حرارت مانگوں

رت یہ موزوں ہے کہاں گھر سے نکلنے کے لیے

چاہیے کوئی اسے ناز اٹھانے والا

دل تو تیار ہے ہر وقت مچلنے کے لیے

اب تو فاروقؔ اسی حال میں خوش رہتے ہیں

وقت ہے پاس کہاں اپنے بدلنے کے لیے

زبیر فاروقؔ

حسن رضوی

 یوم پیدائش 18 اگست 1946

نہ وہ اقرار کرتا ہے نہ وہ انکار کرتا ہے

ہمیں پھر بھی گماں ہے وہ ہمیں سے پیار کرتا ہے

میں اس کے کس ستم کی سرخیاں اخبار میں دیکھوں

وہ ظالم ہے مگر ہر ظلم سے انکار کرتا ہے

منڈیروں سے کوئی مانوس سی آواز آتی ہے

کوئی تو یاد ہم کو بھی پس دیوار کرتا ہے

یہ اس کے پیار کی باتیں فقط قصے پرانے ہیں

بھلا کچے گھڑے پر کون دریا پار کرتا ہے

ہمیں یہ دکھ کہ وہ اکثر کئی موسم نہیں ملتا

مگر ملنے کا وعدہ ہم سے وہ ہر بار کرتا ہے

حسنؔ راتوں کو جب سب لوگ میٹھی نیند سوتے ہیں

تو اک خواب آشنا چہرہ ہمیں بیدار کرتا ہے

حسن رضوی

فیاض ہاشمی

 یوم پیدائش 18 اگست 1920

چلیں جو لوگ تو کاندھا بدل بدل کے چلیں

بڑا طویل سفر یے بڑی مسافت ہے

سفید پوش سیاست کے اس جنازے میں

کفن میں لپٹی ہوئی لاش آدمیت ہے 

فیاض ہاشمی