حسین شاہ زادٓ

یوم پیدائش 04 جولائی 1975

چھوڑ اظہار مدعا شہ زادٓ

زور کی ہاں میں ہاں ملا شہ زادٓ

عشق تھا جن کو، سب چھپے ہوئے تھے

مل گئے سب، نہیں ملا شہ زادٓ

فلسفہ کل معاشیات کا ہے 

کر بھلا تاکہ ہو بھلا شہ زادٓ

تیز کافور کی مہک اٹّھی

اب کسے عشق ہو گیا شہ زادٓ

آئینے سے نکل کے دیکھتا ہوں

ڈھونڈتا ہے مجھے مرا شہ زادٓ

میں ہی بیمار، میں ہی بیماری

میں ہی تشخیص، میں دوا شہ زادٓ

حسین شاہ زادٓ

 

بینا گوئندی

یوم پیدائش 03 جولائی 1967

چاندنی رات میں بلاؤں تجھے 

دھڑکنیں دل کی میں سناؤں تجھے 

تیرے پہلو میں رکھ کے دل اپنا 

چاند راتوں میں گنگناؤں تجھے 

کچھ کہے ان کہے سوال کروں 

اور یوں پھر سے آزماؤں تجھے 

اپنی ہستی کو بھول سکتی ہوں 

کیسے ممکن ہے بھول جاؤں تجھے 

آنسوؤں کی تپش میں جلتی ہوں 

کاش اس میں کبھی جلاؤں تجھے

بینا گوئندی

موج فتح گڑھی

یوم پیدائش 03 جولائی 1922

خوشبو گلوں میں تاروں میں تابندگی نہیں

تم بن کسی بھی شے میں کوئی دل کشی نہیں

جب تم نہیں ہو پاس خوشی بھی خوشی نہیں

جلتی ہے شمع شمع میں بھی روشنی نہیں

الفت میں بھی سکون کی دولت ملی نہیں

جیتا تو ہوں ضرور مگر زندگی نہیں

وہ کیا سمجھ سکے گا محبت کی عظمتیں

جس کو کبھی کسی سے محبت ہوئی نہیں

تم مجھ کو بے وفائی کے طعنے ہزار دو

الزام بے وفائی سے تم بھی بری نہیں

جب سے لگی ہے آنکھ مری حسن یار سے

سچ پوچھئے تو آنکھ ابھی تک لگی نہیں

اس طرح راہ عشق میں سجدے ادا کئے

میری جبین شوق جھکی پھر اٹھی نہیں

موج فتح گڑھی

عبدالمنان طرزی

یوم پیدائش 03 جولائی 1940

صبح سفر اور شام سفر

ہستی کا انجام سفر

اونچے نام سے کیا ہوتا ہے

کرنا ہے بے نام سفر

سنئے خزاں سے کیا کہتی ہے

گل گلشن گلفام سفر

چاند ستارے اور ہوا

کس کو ہے آرام سفر

بچئے بچئے اس سے بچئے

کر دے جو بدنام سفر

گاہے کام بگاڑے بھی ہے

گاہے آوے کام سفر

کھل نہیں پائے اور مرجھائے

ہائے رے بے ہنگام سفر

کیسا سودا سر میں سمایا

سال و مہ و ایام سفر

شکوہ ہے بے بال و پری کا

دیکھیے زیر دام سفر

تم بھی رہو تیار ہی طرزیؔ

غالبؔ اور خیامؔ سفر

غزل

پا کے طوفاں کا اشارا دریا 

توڑ دیتا ہے کنارا دریا 

کیسے ڈوبے گی بھنور میں کشتی 

کیسے دے گا نہ سہارا دریا 

سیل ہمت ہیں ہمارے بازو 

ڈوب جائے گا تمہارا دریا 

بند افکار نے باندھے لیکن 

چڑھ کے اترا نہ ہمارا دریا 

اہل ہمت نے ڈبویا سب کو 

ناخداؤں سے نہ ہارا دریا 

اے اسیر غم ساحل ادھر آ 

بیچ دھارے سے پکارا دریا 

ہمت ترک وفا ڈوب گئی 

کس نے آنکھوں میں اتارا دریا 

موج نے پوچھ لیا کل طرزیؔ 

کشتی پیاری ہے کہ پیارا دریا

عبدالمنان طرزی

 

خلش امتیازی

یوم پیدائش 03 جولائی 1955

دل کا احوال سنے ، نالۂ دیوانہ سنے

کس کو فرصت ہے کہ اس دور میں افسانہ سنے

خلش امتیازی

 

عبدالحئی پیام انصاری

یوم پیدائش 02 جولائی 1942

اپنے بھی انجام کو سوچیں گے لوگ

ڈوبتے سورج کو جب دیکھیں گے لوگ

اب کہاں یہ آگ بجھنے دیں گے لوگ

اپنی اپنی روٹیاں سینکیں گے لوگ

پہلے اکسائیں گے لڑنے کے لیے

پھر تماشا دور سے دیکھیں گے لوگ

اب کہاں مرہم لگائے گا کوئی

اب نمک ہی گھاؤ پر چھڑکیں گے لوگ

روکیں گے ہر ایک کو جس کام سے

چپکے سے وہ کام خود کرلیں گے لوگ

بھول جائیں گے وہ یہ بھی حادثہ

بس یہی دو چار دن چیخیں گے لوگ

دوستی کب تک نبھائیں گی یہ آگ

کب تلک اس آگ سے کھیلیں گے لوگ

جان لیں گے وہ پیام اچھا برا

قلب کی آواز جب سن لیں گے لوگ

عبدالحئی پیام انصاری1942

اپنے بھی انجام کو سوچیں گے لوگ

ڈوبتے سورج کو جب دیکھیں گے لوگ

اب کہاں یہ آگ بجھنے دیں گے لوگ

اپنی اپنی روٹیاں سینکیں گے لوگ

پہلے اکسائیں گے لڑنے کے لیے

پھر تماشا دور سے دیکھیں گے لوگ

اب کہاں مرہم لگائے گا کوئی

اب نمک ہی گھاؤ پر چھڑکیں گے لوگ

روکیں گے ہر ایک کو جس کام سے

چپکے سے وہ کام خود کرلیں گے لوگ

بھول جائیں گے وہ یہ بھی حادثہ

بس یہی دو چار دن چیخیں گے لوگ

دوستی کب تک نبھائیں گی یہ آگ

کب تلک اس آگ سے کھیلیں گے لوگ

جان لیں گے وہ پیام اچھا برا

قلب کی آواز جب سن لیں گے لوگ

عبدالحئی پیام انصاری

عمران یادگیری

یوم پیدائش 02 جولائی 1982

نظم رشتے

دلوں سے محبت وہ سینوں سے اُلفت 

کہاں جا رہی ہے کوئی تو بتا دے 

وہ معشوق و عاشق کہاں کھو گئے ہیں

وہ لیلیٰ وہ مجنوں کدھر کو گئے ہیں

کہاں ہے وہ سماّن و آدر بڑوں کا

وہ ایشور کا سایہ سا سرپر بڑوں کا

وہ بھائی سی چاہت وہ مائی سی مورت

کوئی کھوئی بہنا سے ہم کو ملا دے

دھرم جسکا رکشا ، لہو کے عوض ہے

کہاں ہے وہ بھیّا کوئی تو پتہ دے

وہ پیروں پہ جُھکنا وہ سمّان کرنا

لپٹ جائے ہم سے وہ باپو کہاںہے 

وہ ممتا کی مورت جو ہے وجہِ رحمت

وہ مائی کہاں ہے کوئی تو دکھادے

ہے ہم سب کا داتا وہ رب سارے جگ کا

کوئی تو بتادے وہ رہتا کہاں ہے

وہ رشتے کہاں ہیں جو عمرانؔ پوچھے

کوئی اُسکے اپنوں سے آکر ملا دے

عمران یادگیر

ی۔

 

ابن تاج

یوم پیدائش 02جولائی 1978

گرچہ ہاتھوں کو اٹھا رکھا ہے

بے طلب دستِ دعا رکھا ہے

اب بھی کچھ پاسِ وفا رکھا ہے

کم سہی کچھ تو بچا رکھا ہے

ہے مجھے آبلہ پائی سے غرض

ورنہ اس دشت میں کیا رکھا ہے

سینکڑوں عکس مقید ٹھہرے

مجھ میں کچھ آئینہ سا رکھا ہے

نام آنکھوں کا رکھا برقِ تپاں

اور گیسو کا گھٹا رکھا ہے

رنگ جتنے ہیں جاں ستانی کے

تاجؔ سب ہم پہ روا رکھا ہے

ابن تاج

انیس سلطانہ

یوم پیدائش 02 جولائی 1941

بروز حشر مرا احتساب کیا ہوگا 

کہ اس زمیں کے سوا اور عذاب کیا ہوگا 

مدام فکر میں بے عقل کا تسلسل کار 

کتاب زیست کا آئندہ باب کیا ہوگا 

جواں دلوں میں فقط نفرتیں ہی ملتی ہیں 

زیادہ اس سے کوئی انقلاب کیا ہوگا 

عطا کیا مہ کامل کو عشرتوں کا غرور 

اندھیری رات سے بڑھ کر عذاب کیا ہوگا 

طلسم کیف و نظر مدعائے بے خبری 

طلسم ہوش و خرد کا نصاب کیا ہوگا 

گناہ گار نظر بھی ہے دل کی دھڑکن بھی 

وہ پوچھ لیں گے تو میرا جواب کیا ہوگا 

بہ فیض جرأت رندانہ دیکھنا تو انیسؔ 

ادا شناسوں کا تجھ پر عتاب کیا ہوگا 

انیس سلطانہ

عابد اللہ غٓازی

یوم پیدائش 01 جولائی 1939

 نظم یاد علی گڑھ

وہ چائے کی پیالی پہ یاروں کے جلسے 

وہ سردی کی راتیں وہ زلفوں کے قصے 

کبھی تذکرے حسن شعلہ رخاں کے 

محبت ہوئی تھی کسی کو کسی سے 

ہر اک دل وہاں تھا نظر کا نشانہ 

بہت یاد آتا ہے گزرا زمانہ 

بہت اپنا انداز تھا لاابالی 

کبھی تھے جلالی کبھی تھے جمالی 

کبھی بات میں بات یوں ہی نکالی 

سر راہ کوئی قیامت اٹھا لی 

کسی کو لڑانا کسی کو بچانا 

بہت یاد آتا ہے گزرا زمانہ

کبھی سچی باتوں کو جھوٹا بتایا 

کبھی جھوٹی باتوں کو سچ کر دکھایا 

کبھی راز دل کہہ کے اس کو چھپایا 

کبھی دوستوں میں یوں ہی کچھ اڑایا 

بتا کر چھپانا چھپا کر بتانا 

بہت یاد آتا ہے گزرا زمانہ 

کبھی بزم احباب میں شعلہ افشاں 

کبھی یونین میں تھے شمشیر براں 

کبھی بزم واعظ میں تھے پا بہ جولاں 

بدلتے تھے ہر روز تقدیر دوراں 

جہاں جیسی ڈفلی وہاں ویسا گانا 

بہت یاد آتا ہے گزرا زمانہ 

زمانہ تھا وہ ایک حیوانیت کا 

وہ دور ملامت تھا شیطانیت کا 

ہمیں درد تھا ایک انسانیت کا 

اٹھائے علم ہم تھے حقانیت کا 

بڑھے جا رہے تھے مگر باغیانہ 

بہت یاد آتا ہے گزرا زمانہ 

مقابل میں آئے جسارت تھی کس کو 

کوئی روک دے بڑھ کے ہمت تھی کس کو 

پکارے کوئی ہم کو طاقت تھی کس کو 

کہ ہر بوالہوس کو تھے ہم تازیانہ 

بہت یاد آتا ہے گزرا زمانہ 

خیالات پر شوق کا سلسلہ تھا 

بدل دیں زمانے کو وہ حوصلہ تھا 

ہر اک دل میں پیدا نیا ولولہ تھا 

ہر اک گام احباب کا قافلہ تھا 

ادھر دعویٰ کرنا ادھر کر دکھانا 

بہت یاد آتا ہے گزرا زمانہ 

وہ شہہ راہ میرس کے پر پیچ چکر 

وہ شمشاد بلڈنگ پہ اک شور محشر 

وہ مبہم سی باتیں وہ پوشیدہ نشتر 

وہ بے فکر دنیا وہ لفظوں کے دفتر 

کہ جن کا سرا تھا نہ کوئی ٹھکانہ 

بہت یاد آتا ہے گزرا زمانہ 

کسی کو ہوئی تھی کسی سے محبت 

کوئی کر رہا تھا کسی کی شکایت 

غرض روز ڈھاتی تھی تازہ قیامت 

کسی کی شباہت کسی کی ملامت 

کسی کی تسلی کسی کا ستانا 

بہت یاد آتا ہے گزرا زمانہ 

کوئی غم زدہ تھا کوئی ہنس رہا تھا 

کوئی حسن ناہید پر مر مٹا تھا 

کوئی چشم نرگس کا بیمار سا تھا 

کوئی بس یوں ہی تاکتا جھانکتا تھا 

کبھی چوٹ کھانا کبھی مسکرانا 

بہت یاد آتا ہے گزرا زمانہ 

وہ ہر جنوری میں نمائش کے چرچے 

وہ پر شوق آنکھیں وہ حیران جلوے 

وہ چکر پہ چکر تھے بارہ دری کے 

وہ حسرت کہ سو بار مل کر بھی ملتے 

ہزاروں بہانوں کا وہ اک بہانا 

بہت یاد آتا ہے گزرا زمانہ 

وہ رخ آفتابی پہ ابرو ہلالی 

وہ تمثال سیمیں وہ حسن مثالی 

شگوفوں میں کھیلی گلابوں میں پالی 

وہ خود اک ادا تھی ادا بھی نرالی 

نگاہیں بچا کر نگاہیں ملا کر 

بہت یاد آتا ہے گزرا زمانہ 

وہ ہرچند مجھ کو نہیں جانتی تھی 

مگر میری نظروں کو پہچانتی تھی 

اگرچہ مرے دل میں وہ بس گئی تھی 

مگر بات بس دل کی دل میں رہی تھی 

مگر آج احباب سے کیا چھپانا 

بہت یاد آتا ہے گزرا زمانہ 

وہ اک شام برسات کی دن ڈھلا تھا 

ابھی رات آئی نہ تھی جھٹپٹا تھا 

وہ باد بہاری سے اک گل کھلا تھا 

دھڑکتے ہوئے دل سے اک دل ملا تھا 

نظر سن رہی تھی نظر کا فسانہ 

بہت یاد آتا ہے گزرا زمانہ 

جوانی اداؤں میں بل کھا رہی تھی 

کہانی نگاہوں میں لہرا رہی تھی 

محبت محبت کو سمجھا رہی تھی 

وہ چشم تمنا جھکی جا رہی تھی 

قیامت سے پہلے قیامت وہ ڈھانا 

بہت یاد آتا ہے گزرا زمانہ 

ہمیں بیتی باتیں جو یاد آ رہی تھیں 

وہ مخمور نظریں جو شرما رہی تھیں 

بہت عقل سادہ کو بہکا رہی تھیں 

بڑی بے نیازی سے فرما رہی تھیں 

انہیں یاد رکھنا ہمیں بھول جانا 

بہت یاد آتا ہے گزرا زمانہ 

اب وہ امنگیں نہ دل میں مرادیں 

اب رہ گئیں چند ماضی کی یادیں 

یہ جی چاہتا ہے انہیں بھی بھلا دیں 

غم زندگی کو کہاں تک دعا دیں 

حقیقت بھی اب بن گئی ہے فسانہ 

بہت یاد آتا ہے گزرا زمانہ 

علی گڑھ ہے بڑھ کر ہمیں کل جہاں سے 

ہمیں عشق ہے اپنی اردو زباں سے 

ہمیں پیار ہے اپنے نام و نشاں سے

یہاں آ گئے ہم نہ جانے کہاں سے 

قسم دے کے ہم کو کسی کا بلانا 

بہت یاد آتا ہے گزرا زمانہ 

محبت سے یکسر ہے انجان دنیا 

یہ ویران بستی پریشان دنیا

کمال خرد سے یہ حیران دنیا 

خود اپنے کیے پر پشیمان دنیا 

کہاں لے کے آیا ہمیں آب و دانہ 

بہت یاد آتا ہے گزرا زمانہ 

عابد اللہ غٓازی